Grida Duma: Lulzim Basha është lider perëndimor që do i sjellë zhvillim Shqipërisë

Ajo foli në Report Tv edhe për ish-kryetarin Sali Berisha, për të cilin tha se është si një lloj shkolle politike.

“Unë mendoj padyshim doktor Berisha është ai që është për të gjithë ne, mënyra se si e ka ndërtuar PD deri në kryesimin nga Basha është një lloj shkolle politike. Këto janë njerëz që bëhen vetë pasi intuita e tij e lindur për të bashkuar bashkë disa shtresa që nuk bëheshin bashkë është një lloj shkolle, trashëgimia e tij e plotë është mënyra se si i ka balancuar. Basha ka avantazhin për të qenë shumë racional, tipologjia perëndimore e kryesimit. Nuk kam parë një etik protestante të tillë, nëse nuk e kemi me dokumente plotësisht ne nuk flasim për këtë fakt dhe kjo vlerë e Bashës do të sjellë shumë zhvillim Shqipërisë”, tha Duma.

Për sa i përket fletës së votimit, ajo tha se do të preferonte që kandidatët të përfaqësosheshin me emra dhe jo me numra, në mënyrë që qytetarët të mos ngatërrohen.

“Për mua kjo nuk është hapje liste, por ti fusësh të gjithë në sherr me të gjithë.  Për mua është gjë e mirë që votohen sot emrat pasi i vë para përgjegjës. Numri është problematik sidomos për zonat rurale ku nuk mbahen mend dhe mund të ngatërrohen.  Zgjidhja duhet të jetë me emër”, tha Grida Duma.