Akuzohet se vrau me dashje Klodian Rashën/ Ish-efektivi i “Shqiponjave” shfaqet me kokën ulur në seancë

Ka kaluar për gjykim dosja penale për Nevaldo Hajdarajn, ish-efektivin e forcave “Shqiponja” që akuzohet për vrasjen e Klodian Rashës.

Gjykata e Tiranës pranoi kërkesën e Prokurorisë për dërgimin për gjykim të dosjes, ku Nevaldo Hajdaraj akuzohet për veprën penale “vrasje me dashje”.

Ish-efektivi u shfaq sot me kokën ulur në seancën paraprake, ku i ka kërkuar falje babait të të ndjerit.

Seanca paraprake është kryesuar nga gjyqtari Bedri Qorri i cili vendosi të kalojë për gjykim dosjen.

Nevaldo Hajdaraj qëlloi për vdekje me armë 25-vjeçarin Klodian Rasha mëngjesin e 8 dhjetorit 2020 në zonën e Laprakës. Kjo ngjarje nxiti zemëratë dhe protesta në kryeqytet.