Klubi zviceran sheh Lorik Canën si shpëtimtar

Ekipi i Lousanës në Zvicër po kalon një periudhë jo të mirë në kampionatin zvicerian, teksa ndodhet në vendin e 6-të të klasifikimit, nga 10 ekipe që janë gjithsej.

Për rezultatet e klubit, fajësohet më shumë merkatoja e dobët që zvicerianët kanë bërë dhe për këtë shkak, kryesia sheh si mundësi për daljen nga kriza vendosjen e një drejtori të ri sportiv.

Emri i Lorik Canës është më i lakuari për këtë post, pasi ish-mbrojtësi kuqezi shihet si i duhuri nga drejtuesit e klubit. Lousane ende nuk i ka bërë një ofertë zyrtare Lorikut, i cili do të ishte shqiptari i dytë që bëhet drejtor sportiv i një skuadre të njohur europiane, pas Igli Tares.