GJKKO thërret Saimir Tahirin dhe mediat për dhënien e vendimit

Apeli i Gjykatës së Posaçme Kundër Krimin të Organizuar pas 4 orësh pritje ka kërkuar praninë e kamerave në sallën ku do të jepet vendimi për ish-ministrin e Brendshëm, Saimir Tahiri.

SPAK ka kërkuar 12 vite burg për ish-ministrin, ndërkohë që ky i fundit ka mohuar akuzat dhe është deklaruar i pafajshëm.

Ora 15:10 Gjykata e Posaçme e Apelit pritej të shpallte vendimin përfundimtar për ish-ministrin Saimir Tahiri në orën 13:00 të datës 4 shkurt.

Por kur kanë kaluar dy orë nga ky afat i caktuar nga vetë gjykata, ende nuk ka një vendim.

Tre gjyqtarët janë në dhomën e këshillimit dhe nuk dihet se kur do të dalin për të shpallur vendimin e tyre për ish ministrin Tahiri si dhe për ish drejtorin e Policisë së Vlorës Jaeld Cela.

Aktualisht në seancë janë duke pritur prokurorët e SPAK, Saimir Tahiri, Jaeld Cela së bashku me avokatët mbrojtës si dhe mediat.