Britania sanksionon ’Kasapin e Mariupolit’

Britania ka sanksionuar të ashtuquajturin ‘Kasapin e Mariupolit’ pasi sekretari i jashtëm njoftoi gjithashtu një goditje të re ndaj “propagandistëve rusë”.

Liz Truss njoftoi sot 14 sanksione të reja, duke përfshirë gjeneral-kolonelin Mikhail Mizintsev, i cili thuhet se ka koordinuar bombardimin e Mariupolit.

Sipas zyrtarëve ushtarakë ukrainas, Mizintsev, 59 vjeç, kreu i Qendrës Kombëtare Ruse për Menaxhimin e Mbrojtjes, drejtoi rrethimin e qytetit port gjatë të cilit mendohet se është shkatërruar 80 për qind e infrastrukturës së tij. Mizintsev udhëhoqi bombardimet ruse të Alepos , në Siri.

Në video informimet e publikuara nga transmetuesit shtetërorë, Mizintsev akuzoi “banditë”, “neo-nazistët” dhe nacionalistët ukrainas për përfshirje në “terror masiv”. Ai gjithashtu pretendoi se Rusia nuk po përdorte armatim të rëndë kundër Mariupolit.

Mizintsev përballet me një ngrirje të aseteve, me qytetarët dhe bizneset britanike të ndaluar të merren me të. Atij i ndalohet gjithashtu hyrja në MB.