Rama i “famshëm” edhe si piktor në Berlin

Kryeministri Edi Rama ndodhet në një vizitë zyrtare në Gjermani, vizita e parë, pas zgjedhjes së Kancelarit të ri gjerman Olaf Scholz.

Pas vizitës në Bashkinë e Berlinit, Rama u “takua” dhe me një fans të veprave të tij të artit, të cilit i dha një autograf.

Në rrjetet sociale, Rama ka ndarë dhe disa foto të këtij momenti kur qytetari gjerman “i pret rrugën” dhe shkruan:

“Ai momenti kur të bërtet gjermani nga larg dhe ti kujton se po të shan ndonjë i racës tënde🤣”

Kryeministri Edi Rama u takua me Kryetaren e Bashkisë së Berlinit Franziska Giffey, në zyrën e saj në Bashki, në godinën më shumë se 100 vjeçare, pjesë e Gjermanisë Lindore, ku ka qenë edhe vendndodhja e bashkisë së mëparshme të Berlinit lindor. Në nisje të takimit, Kryeministri vizitoi sallën e armëve, ku u ftua të nënshkruajë Librin e Artë të qytetit të Berlinit.