Dalin para togave të zeza 4 rumunët që u kapën me 260 kg drogë

Katër shtetasit rumunë, që u kapën pak ditë më parë me 260 kilogramë lëndë narkotike kanë mbërritur në Gjykatën e Rrethit Gjyqësor Vlorë, për t’u njohur me masën e sigurisë.

4 shtetasit rumunë u kapën teksa transportonin një sasi prej 260 kilogramësh lëndë narkotike cannabis sativa, me 2 automjete luksoze të tipit “Camper”, me targa rumune, me qëllim trafikimin e kësaj lënde në shtetin grek e më tej.

Gjatë kontrollit të automjeteve të tyre, në tentativë për të dalë nga territori shqiptar, u gjetën të fshehura në një ndarje të fshehtë dhe të përshtatur artificialisht, në automjet, një sasi prej 260 kilogramë lëndë narkotike.