Vuçiç paralajmëron seancë urgjente në OKB pas përplasjes me Kosovën

Presidenti serb kërkon takim dhe me shefin e NATO-s

Presidenti i Serbisë, Aleksandar Vuçiq, ka bërë një deklaratë më 6 korrik duke kërkuar një bisedë me shefin e NATO-s, Jens Stoltenberg, dhe një seancë urgjente të Këshillit të Sigurimit të Kombeve të Bashkuara për shkak të situatës në Kosovë. Ai ka kërkuar që KFOR-i të parandalojë veprimet nga strukturat e sigurisë të Kosovës që kërcënojnë sigurinë e serbëve. Presidenti Vuçiq ka akuzuar se në Kosovë po ndodh një aksion i pogromit, persekutimit dhe spastrimit etnik të serbëve, i organizuar dhe i mbështetur nga një pjesë e komunitetit ndërkombëtar. Ai gjithashtu ka reaguar ndaj deklaratës së deputetes britanike, Alicia Kearns, duke e quajtur “lobuese” për Kosovën.

Në këtë kontekst, përfaqësuesi i lartë i BE-së për politikë të jashtme dhe siguri, Josep Borrell, ka paraqitur kërkesat e BE-së për Kosovën dhe Serbinë lidhur me shtensionimin e situatës në veri. Kërkesat përfshijnë pezullimin e operacioneve policore në veri të Kosovës, tërheqjen e protestuesve nga ndërtesat komunale, organizimin e zgjedhjeve të parakohshme lokale dhe angazhimin e serbëve të Kosovës në to.

Presidenti Vuçiq gjithashtu ka njoftuar se po shqyrton mundësinë e ndalimit të eksportit të municionit nga Serbia dhe çdo arme, për shkak të interesit jetik kombëtar të Serbisë. Ai ka theksuar se Serbia nuk po përgatitet për luftë, por është gati për të mbrojtur jetën e njerëzve të saj. Ai gjithashtu ka përmendur kërkesën e Listës Serbe për shpalljen e njësive speciale të Policisë së Kosovës si organizatë terroriste dhe tha se do të marrin vendime të përgjegjshme rreth saj.