Aksidentohet motori i forcave “Shqiponja”, një polic i plagosur në Sarandë

Pas mesnate, në Qafe Gjashtë,  një motor i forcave “Shqiponja” të Tiranës, i ardhur për të mbështetur Policinë e Sarandës, është përplasur me një automjet të drejtuar nga shtetas italianë.

Si pasojë ka mbetur i plagosur një efektiv policie i cili është transportuar me urgjencë në spitalin e Sarandës.

Mësohet se gjatë pasdites deri në orët e para të mëngjesit, efektivet e Task-Force të Qarkullimit Rrugor kanë kryer edhe disa arrestime në Sarandë dhe Ksamil të  personave që janë kapur duke drejtuar mjetet të dehur.