Gjekmarkaj fshikullon keq Bashën: Skuth pa projekt, emërimi më fatkeq i Sali Berishës

Deputeti i Partisë Demokratike, Agron Gjekmarkaj tha se në një “festë syneti” sot Lulzim Basha i cili foli për hapje të shoqatës së tij u shpall i përjetshëm, i përgjithshëm dhe mori për vete një mori postesh imagjinare.

Sipas Gjekmarkajt Basha doli shakaja më e madhe dhe emërimi më fatkeq i Sali Berishës.

Në një postim në rrjetet sociale Gjekmarkaj  tha se egoja e Bashës pas shanseve të medha, viteve të gjata mbetet një rast sui generis për studim antropologjik”.

Postimi i plotë: 

Në një “festë syneti” sot Lulzim Basha i cili foli për hapje të shoqatës së tij u shpall i përjetshëm, i përgjithshëm dhe mori për vete një mori postesh imagjinare….

Enver Hoxha i pat mbajtur për disa vjet postet kryesore të shtetit dhe të Partisë. Sekretar i Parë, Kryeministër, Ministër i jashtëm dhe i mbrojtjës. Pas vitit 1952 edhe ai hoqi dorë e mbajti vetëm atë të Sekretarit të parë. Në një “festë syneti” sot Lulzim Basha i cili foli për hapjë të shoqatës së tij u shpall i përjetshem , i përgjithshem dhe mori për vete një mori postesh imagjinare.

Pastaj fap e fap përjashtoi po në menyrë imagjinare ata që nuk i ka. I paaftë që të turperohet pas 18 vitesh në politike foli për politikë të re kundër së vjetrës. Kërkoi ndjesë. Kujt !? Kush do t’ja dijë për ndjesën e tij ! Foli për emerime të gabuara që paskësh bërë . Ai na doli shakaja më e madhe dhe emërimi më fatkeq i Sali Berishës. E zgjodhi të ngratin, duke prishur garën dhe injoruar kontributet në PD për veset jo për virtytet me konceptin e kontrollit total mbi të e të partisë pronë.

Pa asnjë betejë publike i kapur nga veshi në emigracion erdhi në krye. Ja futi si kurrkush, si skuth që pret çastin i pazoti për të bërë betejën e ndarjes me kulturën politike, i etur për të përfituar prej sajë gjithçka, pa patur kurrë një projekt. Flet për njerzit , për demokratët pasi ju pegëren investimin, mundin per karrigen dhe pasuritë e tyre . Pa u skuqur pa u zverdhur me lekurën si shollë këpucet i rrejtën për hallet e tyre orë e çast.

PD duhet të bashkohet, që të filloje rritjen, të debojë mentalitetin punist të liderve dhe ushtarve të përjetshëm. Ajo ka nevojë për garë dhe institucione të verteta të cilat i japin asaj lidership fitues përndryshe do ti mbetet vetëm e kaluara si kujtim dhe copat aktuale si fosile në xhepat e rrënuesve të panginjur e të pa cipë. Egoja e tij pas shanseve të medha , viteve të gjata mbetet një rast sui generis për studim antropologjik.