Sarandë 35-vjeçarja humbi jetën në aksident dhe u plagos i shoqi

Policia e Shtetit ka dhënë një informacion paraprak mbi aksidentin që ka ndodhru mëngjesin e sotën në aksin rrugor Krane – Qafë Botë, ku humbi jetën Adriana Nikolli, 35 vjeçe, nënë e tre fëmijëve si dhe u plagosën bashkëshorti i saj, Gëzim Prendi dhe një udhëtar tjetër, Emanuel Gera. Sioas raportimeve, nëna e tre fëmijëve kishte festuar dasmën e të vëllait një natë më parë dhe sot së bashku me të shoqin do të ktheheshin në Greqi, aty ku banonte dhe punonte.

Në njoftimin zyrtar thuhet:

Rreth orës, 5:50, të mëngjesit të sotëm në aksin rrugor Krane-Qafëbotë, në dalje të Konispolit, automjeti tip “Volksëagen”, me drejtues shtetasin G. P., 43 vjeç, ka dalë nga rruga, dhe për pasojë ka humbur jetën pasagjerja, shtetasja A. P., 35 vjeçe, bashkëshortja e 43-vjeçarit, banuese në Konispol si dhe ka pësuar dëmtime pasagjeri tjetër në këtë automjet, shtetasi E. G., 37 vjeç, i cili ndodhet jashtë rrezikut për jetën.

Grupi hetimor ka shkuar menjëherë në vendngjarje dhe po punon për  sqarimin dhe dokumentimin e rrethanave dhe shkakut të aksidentit, ku paraprakisht dyshohet se drejtuesi i automjetit ka humbur kontrollin mbi drejtimin e automjetit dhe për pasojë automjeti ka dalë nga rruga.