Protestë para Kuvendit kundër projektligjit për barazinë gjinore

Aktivistë dhe përfaqësues fetarë janë mbledhur sot para Kuvendit të Shqipërisë për të protestuar kundër projektligjit për barazinë gjinore.

Në pankartat që mbajnë në duar lexohen mesazhe si:

“Ka vetëm dy gjini, mashkull dhe femër.”

Akil Pano, një nga pjesëmarrësit, tha:

“Familja duhet të lartësohet, s’do të lejojmë kurrë të nëpërkëmbet dinjiteti i shqiptarëve, identiteti i fëmijëve, të vihet në lojë e ardhmja e Shqipërisë.”

Ai shtoi gjithashtu:

“Nëse projekligji kalon jeni duke shkatërruar familjen, shoqërinë. Flasim për rrëmbimin e fëmijëve, të jetës.”

Protestës iu bashkuan për disa minuta edhe Sali Berisha, kryetar i PD-së, dhe disa deputetë të tjerë të partisë demokratike.