Skandali! Shoferi i furgonit të shkollës ngacmon seksualisht nxënësen

Një ngjarje e rëndë është regjistruar në Lushnjë, ku një shofer furgoni shkolle është vënë në pranga pas akuzave për ngacmim seksual ndaj një të miture.

I arrestuari është identifikuar si Thoma Kovaçi, ndërsa ndërhyrja e policisë erdhi pas kallëzimit të bërë nga familjarët e vajzës 16-vjeçare, e cila frekuentonte një shkollë jopublike në qytet.

Sipas informacioneve paraprake, ngjarjet e dyshuara kanë ndodhur gjatë transportit të përditshëm të nxënëses nga banesa drejt shkollës. E mitura ka treguar për familjen episodet e pretenduara të ngacmimit, çka ka çuar menjëherë në njoftimin e autoriteteve dhe kërkesën për ndërhyrje të menjëhershme.

Në kuadër të procedurave ligjore, vajza është marrë në pyetje në kushte të posaçme dhe në prani të një psikologeje, ku ka dhënë dëshminë e saj lidhur me ngjarjen. Kjo dëshmi ka shërbyer si element kyç për arrestimin e shoferit dhe nisjen e hetimeve nga organet përkatëse.

Autoritetet vijojnë punën për zbardhjen e plotë të rastit dhe dokumentimin e rrethanave, ndërsa pritet që çështja të ndiqet në rrugë ligjore.