INVESTIGIMI AMERIKAN PËR BASHËN, VJEN REAGIMI I PARË NGA RUSIA

Ambasadori Aleksandër Karpushin i ka cilësuar këto hetime si të pabaza, duke mos u faktuar asnjë nga akuzat e hedhura.

Karpushin theKsoi se hetimet janë kryer nga Dhoma e Përfaqësuesve në Shtetet e Bashkuara të Amerikës, duke mos gjetur asnjë fakt nga ndikimi rus në Amerikë, Britani dhe Shqipëri.

“Kohët e fundit na kanë habitur jashtë mase përpjekjet e disa mediave shqiptare, po edhe të disa përfaqësuesve të organeve shtetërore, për demonizimin e Rusisë. Të krijohet përshtypja që qëllimi i tyre është për të bindur qytetarët shqiptarë se vendi ynë është një “perandori e së keqes”, ndërsa rus do të thotë armik. Deklaratat e fundit që kemi dëgjuar për “tentakulat e Moskës”, të cilat gjoja janë shtrirë në të gjithë rajonin e Ballkanit, ngjanë më së shumti me retorikën e kohës së Enver Hoxhës, por aspak me deklaratat e politikanëve të një vendi modern dhe demokratik. Po të vazhdojmë të ecim me këto ritme, mund të arrijmë në një pikë kur edhe adhuruesit e Dostojevskit dhe Tolstoit do të stigmatizohen si “agjentët e Kremlinit”. Për mendimin tim, kjo është një tendencë shumë e rrezikshme”,-ka thënë Karpushin në një intervistë.