Shteti ynë është i kapur!
Ja një ushtrim i mirë për secilin për të vërtetuar a hedhur poshtë hipotezën se shteti ynë është i kapur:
Në teori, në shtetin e kapur: Ndërsa elita qeverisëse përfshihet rregullisht në narrativë nacionaliste, në retorikë me “armiq” të brebdshëm e të jashtëm për të tërhequr vëmendjen nga temat e mëdha të debatit që dëshmojnë dështimin e tyre (papunësia e lartë, mungesa e investimeve të huaja, shtimi i varfërisë, emigrimi në masë), ajo garanton sërish fitore në çdo përballje zgjedhore, sepse insitucionet e kapura prej saj rreken të largojnë vëmendjen nga problemet e vërteta, duke sajuar ngjarje e skandale që sa i shtojnë imunitetin krimit e kapjes së shtetit prej tij.
Përqendrimi i pushtetit ekonomik e politik paralelisht me një shoqëri të dobët civile, realizojnë përpjekjen e një numri të vogël politikanësh ose biznesesh për të ndryshuar rregullat e lojës në avantazhin e tyre, përmes blerjes së votës, dekreteve qeveritare, vendimeve gjyqësore dhe financimeve jotransparente të forcave politike.
Në Shqipëri: emrat e përveçëm po i lë t’i plotësoni vetë, paralelizmat, kundërshtitë, ose gjasat t’i konstatoni po vetë për të vërtetuar, ose hedhur poshtë kapjen e shtetit nga një grusht politikanësh, biznesmenësh, njerëzish të lidhur me krimin dhe ta (sipas përkufizimit teorik).
Dhe më pas të pyesni veten a jetohet kështu? Dhe të përkufizojmë një herë e mirë ngjashmërinë a ndryshimin mes teorisë e praktikës në këtë vend.
Keni një histori? Denonco anonimisht, identiteti juaj mbrohet.
Denonco
