Manjani:”Projekt-ligji për Teatrin është sundim i horrave të pushtetit’

Ish-ministri i Drejtësisë në qeverinë ‘Rama 1’, Ylli Manjani ka vazhduar me akuzat e tij ndaj qeverisë së tanishme të Edi Ramës.

Duke shkruar për projekt-ligjin e qeverisë Rama për shkatërrimin e Teatrit Kombëtar është shprehur se ‘ky është sundim i horrave’.

Ja çfarë shkruan Ylli Manjani në Facebook:

Edhe njëherë:

Ligji që duan të miratojnë sot për prishje-ndreqjen e Teatrit Kombëtar, është ANTI-KUSHTETUES e ANTI-DEMOKRATIK!

Ajo poshtërsi juridike nuk ka lidhje me Kushtetutën e asnjë vendi demokratik me pushtete të ndara dhe ku sundon e drejta.

Ai projekt ligj është SUNDIM i horrave të pushtetit!

Miratimi i tij, mund të bëhet vetëm nga një Parlament që varet nga Qeveria.

Në fakt qeveria moniste që kemi sot, Parlamentin e ka thjesht laksativ për kapsllëkun e vet!

Turp!