Lajme të mira dhe të këqija në ambientet e Interit, në një kohë kur po afron derbi i Milanos. Matias Vesino është dëmtuar në grumbullimin me fanellën e kombëtares së tij
Por, për Spaletin ka edhe vend për buzëqeshje: në “Appiano Gentile”, në fakt, sipas raportimit të mediave italiane, janë rikthyer nga përfaqësueset respektive Ivan Perisiç, Kuaduo Azamoah e Roberto Galjardini (italiani mendohet, ndërkaq, të jetë partneri i Brozoviçit në mungesë të Vesinos).
Ndërsa në kampin e skaudrës së Milan do jenë prezentë Romanjoli, Kutrone e Kaldara në derbin e shumëpritur të së dielës në mbrëmje. Dy të parët u detyruan të largoheshin nga kombëtarja, por pasi kanë kaluar problemet respektive muskulore janë totalisht në gatishmëri të trajnerit Gatuzo.
Pritet t’i bashkohet së shpejti grupit, ndërkaq, ish-lojtari i Atalantës, Andrea Konti. Romanjoli pritet të aktivizohet si titullar përkrah Muzakios, ndërsa Kaldara dhe veçanërisht sulmuesi do e nisin me shumë mundësi nga stoli.
