Agjencia ‘Bloomberg’: Dy kompani ajrore shqiptare pritet të falimentojnë

Agjencia e njohur e lajmeve, Bloomberg, paralajmëron se dy kompani ajrore shqiptare pritet të falimentojnë gjatë vjeshtës ose dimrit.

Agjencia citon një analizë të grupit të njohur, Sanford C. Bernstein.

Sipas këtij grupi, linjat e dobëta ajrore pritet të falimentojnë për shkak se qeveritë nuk i kanë më në fokus për t’i shpëtuar siç ndodhi gjatë pandemisë.

Këtë herë, vëmendja e qeverive është diku tjetër, pasi inflacioni është në rritje.

Edhe pse nuk i jep me emra, Bloomberg citon se kompanitë ajrore më të rrezikuara janë: një nga Qipro, dy nga Shqipëria, si dhe linja ajrore në Bjellorusi, Bullgari, Çeki, Gjeorgji, Moldavi dhe Rumani.