Aguero, Pogba, Van Dijk, ja kush shpallet lojtari më i mirë i muajit në Premierligë

Virgil van Dijk është votuar si lojtari më i mirë i muajit shkurt në Premierligë nga tifozët e Shoqatës së Futbollistëve Profesionistë (PFA).

Në garë për këtë çmim, qendërmbrojtësi holandez mposhti Sergio Agueron, Aymeric Laporten dhe Raheem Sterlingun e Manchester Cityt, Asley Barnes të Burnleyt dhe Paul Pogban e Manchester Unitedit.

Kjo është hera e dytë që Van Dijk e fiton këtë çmim këtë sezon, pasi herën e parë e fitoi në nëntor.

Kapiteni i Holandës i luajti të gjitha ndeshjet e Liverpoolit gjatë muajit shkurt, duke e ruajtur të paprekur portën në tri prej tyre dhe duke shënuar dy gola.