Ajaxi nuk mund të konsiderohet surpriza e Champions Leagues pasi së fundmi i ka dhënë “leksion” edhe Juventusit të Cristiano Ronaldos.
Holandezët siguruan një fitore të pabesueshme 2-1 në Torino në ndeshjen e kthimit përballë bardhezinjve.
Në minutën e 28’ ishte Cristiano Ronaldo i cili shënoi me kokë, por rasti është konsultuar me VAR-in, shkruan . Arbitri vrapoi pranë monitorit për të parë “replay” pamjet dhe më pas vendosi që goli të ishte i rregullt.
Vetë 6 minuta zgjati gëzimi i vendasve pasi talenti holandez Van de Beek barazoi shifrat në 1-1.
Me fillimin e pjesës së dytë respektivisht në minutën e 67’ ishte Matthijs de Ligt ai i cili vendosi qetësi në “Allianz Stadium”.
Talenti holandez i dha fund shpresës së “Zonjës së Vjetër” që deri minutat e fundit ishte e pafuqishme për të reaguar.
Pas këtij kualifikimi, Ajaxi do të përballet në gjysmëfinale me fituesin e çiftit Tottenham/Manchester City.
