Ambasadori i BE: Palët të vazhdojnë dialogun me të njëjtën frymë bashkëpunuese, të votohet marrëveshja e 5 qershorit

Kreu i delegacionit të BE-së në Tiranë, Luigi Soreca është shprehur se BE e mirëpret marrëveshjen për zgjedhoren ndërmjetësuar nga ndërkobmëtarët dhe pret miratimi sa më shpejt në parlament.

“Ne inkurajojmë palët të vazhdojnë dialogun me të njëjtën frymë bashkëpunuese që u tregua në marrëveshjen e 5 qershori. Ne kemi parë disa propozime shtesë për Kodin Zgjedhor, të cilat nuk janë pjesë e rekomandimit të OSBE/ODIHR. Ne e njohim rolin e parlamentit në lidhje me sistemin zgjedhor”, u shpreh Soreca nga Vlora.

Kujtojmë që ditën e Sotme Soreca ka zhvilluar një takim me kryebashkiakun e Vlorës, Dritan Leli. Në fokus të kësaj bisede kanë qenë investimet dhe ndryshimi i qytetit bregdetar.