Anulohet takimi i majit midis BE-së dhe Ballkanit Perëndimor

Presidenca e BE-së, që aktualisht udhëhiqet nga Kroacia, tha të mërkurën se data e re dhe mënyra e mbajtjes së samitit do të dakordohen më vonë, varësisht situatës.

“Në marrëveshje me presidentin e Këshillit Evropian, Charles Michel, do të bëhen përpjekje për të gjetur një termin të ri në qershor, nëse këtë e lejon situata me COVID-19 sëmundjen që e shkakton koronavirusi]”, thuhet në njoftim.

“Përndryshe, nëse nuk do të jetë e mundur mbajtja e takimit fizik, do të sugjerohet zhvillimi i takimit me video-lidhje para përfundimit të presidencës kroate të BE-së, më 30 qershor”, thekson po ashtu njoftimi.

Shumë vende të Evropës, prej disa javësh janë izoluar për të frenuar përhapjen e koronavirusit.

Ndërsa Italia dhe Spanja kanë numrin më të madh të viktimave nga koronavirusi në botë: 17,127, përkatësisht 14,045.