Apeli i 71 bankave: ‘Financa të ndalojë investimin e luftës’

Një anije ushtarake kushton sa paga njëvjeçare (sipas standarteve të OSBE) e 10 mijë mjekëve. Një avion ushtarak F 35 ka vlerën e 3244 shtretërve për pacientë në terapi intensive dhe një nëndetëse e modelit “Virginia” sa 9 mijë ambulanca.

E gjysma e fondeve të lëvruara nga qeveritë për Forcat e Armatosura në nivel global, do të vlenin sa shërbimi i asistencës bazike shëndetësore për të gjithë banorët e planetit, shkruan gazetarja Alba Kepi, e cila ka ndjekur, në kuadër të Samitit Botëror të Financës Etike, prej datës 26 deri në 29 shkurt 2024 , në Padova dhe Milano, takimin e  71 bankave nga e gjithë bota anëtare të Global Alliance for Banking on Values (GABV).

Në këtë takim i cili për herë të parë zhvillohet në Itali, janë publikuar të dhënat e analizuar nga kompania gjermane me seli në Berlin “Merian Research”, mbi raportin “Financa e paqes, Financa e Luftës.”

Sipas raportit 959 miliardë dollarë janë investuar nga institucionet financiare për të mbështetur prodhimin e tregtimin e armëve.

Më shumë se gjysma e këtij investimi janë furnizuar nga SHBA e 79 miliardë dollarë nga 10 investorët më të mëdhenj bankar në Europë.

71 banka kanë apeluar për etikën e jo financimit të projekteve për prodhimin e tregtimin e armëve e për politika të qarta bankare në mos investimin e kreditimin e tyre.

Sipas Stockholm International Peace Research Institute shpenzimet globale për sektorin e mbrojtjes janë rritur me 9% duke kapur vlerën rekord prej 2.2 trilionë dollarë e fondet e lëvruar nga qeveritë për fushën e armatimeve kanë arritur në 2240 miliardë dollarë e baraz me 2.2% të PPB botërore.

“Megjithatë mungesën e transparencës e të dhënave të munguara, shfaqet qartë se institucionet bankare në nivel global janë thelbësore për investimet në prodhimin e tregtimin e armëve duke lehtësuar shtrirjen e konflikteve ushtarake”, ka deklaruar  Mauro Meggiolaro i “Merian Research” e një nga kuruesit e këtij raporti.

Gjatë takimit në Itali u shpall Manifesti për një “Financë të paqtë” me apelin që institucionet qeverisëse të jenë më transparente e të aktivizojnë politika që limitojnë investimet në industrinë e luftës, si dhe bankat të mos financojnë projekte të prodhimit e tregtimit të armëve.

“Një ekonomi për Paqen është e mundur e këtu në Itali janë bashkuar 71 banka nga 45 vende të botës”, është shprehur Anna Fassano , Presidente e grupit Banka Etica Italiana, grup që prej 25 vitesh impenjohet në vlerat etike e sociale të Financës.