Arrestohet djali i princeshës së Norvegjisë

Djali i princeshës së Norvegjisë, Mette-Marit është arrestuar si i dyshuar për përdhunim.

27-vjeçari Marius Borg Høiby është thjeshtri i trashëgimtarit të fronit, princit të kurorës Haakon por nuk gëzon titull mbretëror ose një funksion zyrtar.

Borg Høiby u arrestua të hënën vonë në Oslo me një akuzë paraprake se kishte pasur “marrëdhënie seksuale me dikë që është pa ndjenja ose për arsye të tjera të paaftë për t’i rezistuar aktit”.

Më parë, Høiby është akuzuar për abuzim ndaj ish të dashurave, Julianne Snekkestad dhe Nora Haukland si dhe për kërcënimin e një burri.