Arrestohet gardiani i burgut në Vlorë, tentoi të fuste në qeli…
Hysni Mustafaraj me funksion gardian në burgun e Vlorës është vënë në pranga e policisë pasi dyshohet se futi ne ambientet e vuajtjes së dënimit një mjet prerës.
Drejtoria e Shërbimit të Kontrollit të Brendshëm të Burgjeve në Ministrinë e Drejtësisë bën me dije se Hysni Nimet Mustafarai, lindur e banues në Vlorë, me detyrën punonjës policie i rolit bazë në grupin e sigurisë dhe shoqërimit në Institucionin e Ekzekutimeve të Vendimeve Penale (IEVP) Vlorë.
Arrestimi i tij është bërë pasi më datë 02.03.2018 gjatë kontrollit fizik të ushtruar nëpërmjet skanerit, përpara marrjes së shërbimit, iu gjet: Një pajisje metalike e kromuar, në të cilën ndodhen të integruara një pincë me gjatësi rreth 6 cm e përbërë dhe një mini kaçavidë, tip kryq, me gjatësi 3.5 cm.
Nga kryerja e veprimeve hetimore ka rezultuar se ky shtetas ka konsumuar elementë të veprës penale “Futja ose mbajtja e sendeve të ndaluara në institucionin e ekzekutimit të vendimeve me burgim”, parashikuar nga neni 324/a, i Kodit Penal, i ndryshuar.
Materialet i proceduriale i kaluan për ndjekje Prokurorisë Pranë Gjykatës së Shkallës së Parë Vlorë.
Keni një histori? Denonco anonimisht, identiteti juaj mbrohet.
Denonco
