“Me vendimin e pabazuar, e pakonsultuar, e papërgjegjshëm të hapjes të universiteteve pavarësisht gjendjes të pandemisë vrastare, Besa Shahini vulosi atë tradhëti të madhe që shteti u ka bërë rinisë studentore, arsimin universitar, shkencësh në Shqipëri, pedagogëve dhe përgjithësisht intelektualëve dhe artistëve”.
Kështu shkruan akademiku dhe Profesori Artan Fuga lidhur me vendimin e ministres së Arsimit, Besa Shahini për rihapjen e universiteteve dhe kthimin e studentëve në auditore.
Ky vendinm sipas Fugës është një tradhëti e madhe që shteti i ka bërë rinisë, ndërsa vijon më tej duke i drejtuar ministres edhe 3 pyetje. “E ka llogaritur sesa prej tyre mund të vdesin nëse ky vendim vihet në jetë pa pasur parasysh gjendjen virusologjike të vendit? Nëse kjo ndodh, a nuk do të ishte një vrasje masive e paralajmëruar që do të duhej të parashikohej kështu në kodin penal si përgjegjësi e administratorit publik për shëndetin publik?”, këto janë 2 prej pyetjeve të Fugës drejtuar ministres.
Shkruan Artan Fuga: Me vendimin e pabazuar, e pakonsultuar, e papërgjegjshëm të hapjes të universiteteve pavarësisht gjendjes të pandemisë vrastare, Besa Shahini vulosi atë tradhëti të madhe që shteti u ka bërë rinisë studentore, arsimin universitar, shkencësh në Shqipëri, pedagogëve dhe përgjithësisht intelektualëve dhe artistëve!
Pyetja ime është : E ka llogaritur sesa prej tyre mund të vdesin nëse ky vendim vihet në jetë pa pasur parasysh gjendjen virusologjike të vendit?
Pyetja ime është : A ka rektor dhe dekan që do të kishte guximin të merrte përsipër këtë vrasje të mundëshme masive duke pretenduar që do të kishte marrë masat sanitare, higjenike, dizenfektuese, sikurse ja u lë “kopilin në derë” ministria e arsimit?
Pyetja ime është : Nëse kjo ndodh, a nuk do të ishte një vrasje masive e paralajmëruar që do të duhej të parashikohej kështu në kodin penal si përgjegjësi e administratorit publik për shëndetin publik?
