Avokati i Hajrave: Video është bardh e zi

Avokati i anëtarëve të fisit Hajri, të akuzuar për vrasjen dhe zhdukjen e Jani Prengës, ka folur për mediat pas seancës gjyqësore ku u caktua masa e sigurisë “arrest me burg” për 5 të dyshuarit.

I pyetur mbi videon që ka tashmë në dorë policia, ku janë filmuar momente brenda garazhdit të resortit “Golden” në Shijak, avokati tha: “Fakti që mund të jenë ditën e ngjarjes apo jo në resort nuk provon asgjë. Pamjet filmike ishin të printuara në bardhë e zi e nuk dalloheshin. Prokuroria tha se do i sjellë në një moment të dytë. Por nuk solli asnjë provë, asnjë lloj përgjimi. Sipas prokurorisë kur të zbardhen këto filmime do i vërë në dispozicion gjykatës.”

Sipas raportimeve, në atë video shihen të akuzuarit teksa nxjerrin trupin e viktimës nga mjeti me të cilin kryen rrëmbimin dhe e vendosin në një tjetër mjet me të cilin e transportuan për ta groposur.

Leonard Hajri, i ati, Bajram Hajri, kushëriri i tyre, Elton Hajri, dhe Olsi Turja, akuzohen për pengmarrjen të drejpërdrejtë. Ndërsa Festim Bexhdili akuzohet që është personi që ka humbur trupin e Prengës.

Policia dhe prokuroria pretendojnë se këta persona kanë dalë në pamjet filmike që janë sekuestruar në garazhin e resortit ‘Golden’ por, të dhënat tregojnë se ata kanë mohuar pjesëmarrjen në ngjarje por kanë dhënë disa detaje përjashtuese nga krimi po jo nga dijenia.