Stanley Johnson, babai i kryeministrit britanik Boris Johnson thotë se djali i tij do ja dali të fitojë betejën me koronavirusin.
Në një intevistë për DailyMail, babai i Johnson ka thënë se djali i tij është rritur në një fermë të vogël dhe me ajër të pastër.
“Karakteri i djalit tim është formuar këtu dhe në një fshat të vogël që quhet Winsford. Ai është rritur në fermë kodrinore me delet dhe duke punuar me kafshët”, ka thënë ai.
Më tej, 79 vjeçari Stanley Johnson ka thënë se djali i tij është rritur në kushte të vështira por është i fortë.
“Po dëgjoj vetëm në lajme sesi është gjendja e tij e nuk po informohem nga askush. Por ai është optimist, i qëndrueshëm dhe i fortë. Boris mund të mbështesë idetë e tij në faktin se kur ka qenë i vogël është rritur në një fermë, me kushte të vështira”, ka thënë Stanley Johnson, babai i kryeministrit të Britanisë Boris Johnson.
