Barça fillon negociatat, 50 milionë euro për blerjen e bujshme nga Gjermania

Benjamin Pavard mund të nënshkruajë me Barcelonën.

Mbrojtësi francez i Stuttgartit është një nga lojtarët më të kërkuar gjatë merkatos së janarit, me Barcelonën që do të synojë të fitojë garën ndaj Napolit dhe Bayern Munich.

“Negociatat e Pavard për transferim në ‘Camp Nou’ kanë filluar”, raporton gazetari italian Gianluca di Marzio.

Thuhet se drejtuesit e Barcelonës tashmë kanë biseduar me agjentët e francezit dhe oferta zyrtare nga katalanët pritet t’i mbërrijë shumë shpejtë Stuttgartit, e cila do të jetë rreth 50 milionë euro.

Barcelona synon që të arrijë marrëveshje tani me gjermanët, por transferimi i Pavard në ‘Camp Nou’ të ndodh në muajin korrik.