Bardhi i sqaron Spiropalit mosbindjen civile: S’është t’i ulesh në gjunjë Pëllumb Gjokës e krimit të organizuar!

Kreu i Grupit Parlamentar të PD-së, Gazment Bardhi i është kundërpërgjigjur kryetares së Kuvendit, Elisa Spiropali, mbi atë se çfarë shpreh dhe shfaq ‘Mosbindja Civile’.

Përmes një statusi në platformën sociale X, Bardhi i kujton Spiropalit se ‘Mosbindja civile nuk është t’i ulesh në gjunjë Pëllumb Gjokës’.

Duke ironizuar ‘filozofimin’ e Spiropalit mbi togfjalëshin dhe kuptimin e ‘mosbindjes civile’, Bardhi shkruan se ajo nuk do të thotë t’i ulesh në gjunjë gjithashtu krimit të organizuar.

Reagimi

Bardhi i përgjigjet reagimit të Spiropalit: Mosbindja civile nuk është t’i ulesh në gjunjë Pëllumb Gjokës

Reagim i Kryetarit të Grupit Parlamentar të PD, Gazment Bardhi:

Na paska dhënë leksion nga burgu Pëllumb Gjoka përmes zyrës për shtyp të Kuvendit, se cili është kuptimi filozofik i “mosbindjes civile”!

Mosbindja civile në kuptimin e Pëllumbave në Kuvend është që krimi i organizuar të shpërfill ligjin dhe të mbretërojë në çdo institucion!

Por realisht, mosbindja civile nuk është t’i ulesh në gjunjë Pëllumb Gjokës! As krimit të organizuar!