Kreu i Partisë Demokratike Lulzim Basha ka publikuar në rrjetet sociale një plan me 5 pika, për të cilën thotë se do të shërbejë për të nxjerrë nga kriza vendin.
Pikat kryesore të planit të Bashës janë; rritja e numrit të testimeve, gjurmimi i burimit dhe kontakteve të të prekurve me Covid-19, mbështetje për sistemin shëndetësor, matjet dhe menaxhimi i situatës si dhe tranzicioni drejt hapjes.
Basha këmbëngul te rritja e numrit të testimeve si mënyra e vetme për identifikimin real të të prekurve.
“Vetëm rritja e numrit të testimeve mundëson identifikimin real të të prekurve dhe frenimin e përhapjes së virusit. Izolimi i qytetarëve dhe bllokimi i ekonomisë na kushton qindra herë më shumë se rritja e numrit të testimeve”, shkruan Basha.
