Bashkimi Evropian nis heqjen e masave ndëshkuese ndaj Kosovës

Përfaqësuesja e Lartë për Politikë të Jashtme dhe Siguri, Kaja Kallas ka bërë të ditur se Bashkimi Evropian ka nisur heqjen graduale të masave ndëshkuese që rëndojnë mbi Kosovën që prej dy vjetësh.Në një konferencë për media në Prishtinë, Kallas bëri të ditur se duhet shtensionim i situatës në veri, që sipas saj nuk i kontribuon mbyllja e strukturave paralele në veri.“Si shenjë e përkushtimit tonë, mund të njoftoj se BE-ja ka nisur gradualisht t’i heqë masat të prezantuara në qershor 2023. Vendimi hap rrugën për mundësi të mëdha për zhvillimin e Kosovës dhe afron lidhjet me Evropën. Por është i kushtëzuar në ruajtjen e shtensionimit në veri.Mbyllja e strukturave të përkrahura nga Serbia minon përpjekjet drejt shtensionimit”, ka deklaruar ajo.