BE gati paketën 6 miliardë euro për Ukrainën

Bashkimi Evropian po përgatit një paketë ndihme ushtarake me vlerë të paktën 6 miliardë euro për Ukrainën, por kundër saj ka dal Hungaria.

Sipas Politico, Bashkimi Evropian synon të forcojë Ukrainën dhe pozicionin e saj strategjik, në fillimin e bisedimeve për paqen të udhëhequra nga SHBA me Rusinë.

Paketa, e cila duhet të përfshijë çdo gjë nga 1.5 milionë predha artilerie deri te sistemet e mbrojtjes ajrore, do të shënonte një nga paketat më të mëdha të ndihmës ushtarake të BE-së që nga pushtimi i plotë i Rusisë në vitin 2022 dhe mund të zbulohet përpara një vizite shumë simbolike nga komisionerët evropianë në Kiev më 24 shkurt.

Dy nga diplomatët thanë se 6 miliardë euro është një pikënisje, e cila mund të rritet në 10 miliardë euro ose më shumë ndërsa vendet gërmojnë në rezervat e tyre për të parë se çfarë mund të dërgojnë në Ukrainë.

Ministrat e jashtëm të BE-së pritet të marrin në konsideratë paketën, përmbajtja e së cilës u raportua për herë të parë nga Politico të hënën, gjatë një takimi të rregullt në Bruksel javën e ardhshme.

Një nga diplomatët tha se vendet do të jenë në gjendje të kontribuojnë me pajisje ushtarake ose para, me kontributin e tyre financiar që do të jetë proporcional me të ardhurat bruto kombëtare.

Kjo paketë e madhe ndihme ushtarake do të ishte një demonstrim i prekshëm i vendosmërisë së BE-së për të mbështetur Ukrainën, pasi takimi urgjent i liderëve në Paris të hënën dështoi të prodhojë vendime konkrete.

Kjo lëvizje vjen pasi BE është lënë mënjanë nga bisedimet midis SHBA-së dhe Rusisë për t’i dhënë fund luftës, duke shkaktuar shqetësim si në Union ashtu edhe në Kiev.