Bir Erioni i nënës, kë të qaj më parë, Ty? Belën apo “Mbret” Ramën?!

Përditësuar më 6 April 2024, 23:49

Shefi  i dosjes “5D”, Erion Veliaj,  në një dalje mediatike thotë se të gjithë drejtorët  i kam bashkëpuntorët më të ngushtë që kanë bërë punë kolosale në Tiranë,  por është gjykata që do të na tregojë nësë kanë ngrënë fiq dhe sa kanë ngrënë ?!

Gjykata i la në arrest me BURG MOLLËN, QATON dhe TUSHËN….

Nuk ka nevojë  të  bësh jargavitësin  politik pas hajdutëve  të dosjes “5D”. 

 SPAK-u, i ka me  fakte dhe prova konkrete  viedhjet e drejtorëve  të tu. 

Si mundet që bashkëpunëtorët e tu në vite për tre mandate të kullufitën FIQTË dhe ti nuk hëngre një KOKËRR për be?!

Media ka denoncuar  me qindra herë tenderat skandalozë të TUSHES, MOLLËS, që me bekimin tënd i paracaktonin kush dhe si duhet t’i fitojë me letra e pa letra të rregullta. Une jam bërë kurioz nga një investigim për “TAULANTIN e tendereve” pasi një biznesmen ishte i klasifikuar i pari  në tender  të bashkisë Tiranë, me ofertë dhe dokumentacion shumë të saktë por eminenca gri e FONDEVE dhe tenderave  Taulant TUSHA  e kishte paracktuar fituesin. Pastaj më vonë nga stafi i bashkisë Tiranë mësova se kishte bekimin e plotë  të  Erion Veliajt dhe  vendoste kush duhej  fitues dhe humbës në tendera e bashkisë. Faktet e SPAK treguan se të gjitha ishin të vërteta.  

Para fakteve dhe  hetimeve që  janë bërë nga SPAK-u, provat janë totalisht të vërtetuara dhe  ti i dashur Veliaj  nuk ke si  justifikohesh për hajdutët që i emërove dhe bashkëpunove në Bashkinë e Tiranës për vite me radhe.

Ashtu si shefi i madh Rama edhe ti nuk ditke gjë për FIQTË që  bashkëpunëtorët më të ngushtë hëngrën pas shpinës tënde?!

Punët në Bashkinë e Tiranës nuk i bën më lekët e shtëpisë tënde! Qytetarët të paguajnë  rrogë dhe dieta edhe  biletat për Panama, Dubai dhe Amerikën që të  takosh Aleks Soros. Janë taksat e shumta që u bënë “rrush e MOLLË” nga drejtorët hajdutë që i quan bashkëpunëtorët më të ngushtë.

Bir Erioni i nënës, kë të qash më parë, ty apo BELËN që kishte bashkëpunëtorin më të ngushtë ” BERBERIN” e tenderave që QETHI    miliona EURO.

Bir Erioni i nënës kë të qash më parë ty apo dhjetëra kryetarë bashkish që rrjepin e zhvatin sa të munden?! Apo të qash për  qokat dhe PPP-të e mbretit Rama që  fal në kafe portet, aeroportet, ishujt dhe mund t’ia ketë vënë syrin edhe  maleve.

“La Brisa” një hotel luksoz në Dhërmi e ka një gardist dhe dy ish-drejtorët e tu dhe ky është fakt jo llogje  politike që  bluan në media.

Komandanti i grupit të zjarrit të Gardës së Republikës më 21 janar , Agron Malaj është kryetari i bashkisë socialiste në Mat prej disa mandatesh që u ka dhënë tendera drejtorëve të   5 D -së.

Në Bashkinë e Tiranës, vëllai i Agron Malajt, shtetasi Fatos Malaj, ka fituar tenderin e kamerave shumat janë qindra milionë lekë me ortak drejtorin e Veliajt Elvin Tivarin edhe ky është fakt.

SPAK ti  kapi si hajdutë  drejtorët që punoje prej vitesh,por sipas informacioneve  priten edhe të tjerë.

Nuk kanë të sosur  hajdutët sa në qeveri e sa në bashki.

Bir Erioni i nënës, politikisht të mbaruan  kreditet e FIQVE.   Nuk e bën dot të fortin  kur  skuadra e besuar të është kapur me presh në duar!  E kupton që dhe mbreti ka plot telashe dhe ti me MOLLËT e  FIQTË i duheshe pikërisht në kohën kur 313-ta po mbushet plot me pushtetarë! Të paktën amnistia e fundit me “non gratën” do të lirojë nja 700 vende në burgje.  SPAK-u e di mirë se ka vende të lira në qeli për hajdutët nga të gjitha nivelet./Naim Noka