Por kjo nuk e ka penguar Elona Bejon, vajza biznesmene, që, dy vite më vonë të shprehë publikisht kritikën e saj për mënyrën sesi Edi Rama, kryeministër, replikon me qytetarët e varfër që nuk kanë para të paguajnë energjinë elektrike.
Ditën e djeshme, kur një qytetare e pyet kryeministrin sesi do të bëjnë me pagesën e dritave ata që janë të varfër, tani nuk kanë punë (sepse e humbën nga coronavirus) dhe ato pak lekë që marrin u duhen për tu ushqyer, kryeministri i përgjigjet: Po i ndeze, do t’i paguash; nuk do ti paguash, mos i ndiz”, raporton newsbomb.al.
“Si e konsideroni ju këtë replikë të kryeministrit? Nëse shteti nuk ka mundësi të përballojë situatën, të paktën të mos ironizojë njerëzit e varfër që po vuajnë për bukë. Kjo sjellje është e patolerueshme për mendimin tim dhe krejtësisht joserioze” shkruan Elona në rrjetin social facebook, duke dhënë opinionin e saj për qëndrimin e kryeministrit.
