Deputeti: Në 10 metra janë dy standarde, Bashkia të nxitojë me asfaltimin e saj

Deputeti i Partisë Socialiste, Erion Braçe, ka ngritur sërish shqetësimin për gjendjen e infrastrukturës rrugore në Tiranë, duke publikuar pamje nga rruga dytësore e autostradës Tiranë-Durrës, në krahun e djathtë të saj.

Bëhet fjalë për një segment rrugor me rëndësi të veçantë për lëvizjen e banorëve, punonjësve dhe bizneseve të zonës, por që aktualisht paraqitet në gjendje të amortizuar. Përveç dëmtimeve të rrugës, ky aks përballet edhe me fluks të lartë automjetesh dhe trafik të rënduar.

Sipas Braçes, shqetësimi bëhet edhe më i madh për faktin se Bashkia e Tiranës kishte deklaruar gjatë dëgjesave publike për buxhetin, në nëntor të vitit të kaluar, se rruga do t’i nënshtrohej asfaltimit.

Megjithatë, tashmë në muajin gusht, deputeti thekson se situata mbetet e pandryshuar, ndërsa rruga vijon të degradohet.

Braçe: Në pak metra, dy standarde të ndryshme

Në reagimin e tij, Braçe vë në dukje kontrastin mes rrugës Tiranë-Kashar dhe aksit dytësor që ndodhet vetëm pak metra më tej.

Sipas tij, investimi në autostradë ka sjellë një standard të ri infrastrukture, ndërsa gjendja e rrugës dytësore tregon një situatë krejt tjetër.

Deputeti i ka bërë thirrje Bashkisë së Tiranës që të përshpejtojë ndërhyrjen, duke argumentuar se mirëmbajtja e këtij aksi është e domosdoshme për banorët, punonjësit dhe aktivitetin ekonomik të zonës.

Ai nënvizon gjithashtu se zona industriale dhe tregtare përbën një burim të rëndësishëm të ardhurash përmes taksave, ndaj infrastruktura duhet të jetë në përputhje me intensitetin e aktivitetit që zhvillohet aty.

“Kjo rrugë duhet ribërë”

Braçe argumenton se rruga dytësore nuk shërben vetëm për bizneset, por për një numër të madh qytetarësh që e përdorin çdo ditë për të shkuar në punë, për transportin e mallrave dhe lëndëve të para, si dhe për lëvizjen e banorëve.

Ai shprehet se për shkak të zhvillimit urban të zonës, nevoja për një infrastrukturë funksionale bëhet edhe më e madhe.

“Vjet në nëntor, gjatë dëgjesave për buxhetin, dëgjova nga zyrtarët e Bashkisë se kjo rrugë do të asfaltohej. Tani jemi në gusht dhe, për të thënë të drejtën, gjendja e saj është kjo që shihni”, shprehet Braçe.

Sipas tij, Bashkia e Tiranës kishte marrë përsipër realizimin e këtij investimi dhe duhet të veprojë sa më shpejt.

“Bashkia duhet të nxitojë, pasi edhe zona industriale mban buxhetin e bashkive dhe Bashkisë së Tiranës, sepse paguan taksa”, thekson deputeti.

Braçe e konsideron të pajustifikueshme ekzistencën e dy standardeve infrastrukturore në një distancë kaq të vogël nga njëri-tjetri.

Ai argumenton se rikonstruksioni i autostradës nga rrethrrotullimi i Veriut deri në Kashar përbën një investim me standard të lartë, ndërsa kontrasti me rrugën dytësore e bën edhe më të dukshëm problemin.

Në fund, deputeti e lidh nevojën për ndërhyrje me tre elemente kryesore: jetën e përditshme të banorëve, lëvizjen e fuqisë punëtore dhe aktivitetin ekonomik të zonës.

Sipas tij, rikonstruksioni i rrugës është jo vetëm i nevojshëm nga pikëpamja infrastrukturore, por edhe një investim i arsyeshëm ekonomikisht.

“Vjet në nëntor kur bëmë dëgjesat për buxhetin dëgjova nga zyrtarët e bashkisë që kjo rrugë do asfaltohej tani jemi në gusht dhe me thënë të drejtën kjo rrugë është në administrimin e bashkisë.

Për këtë arsye bashkia kishte marrë angazhimin për asfaltimin e rrugës. Në 10 metra janë dy standarde, është autostrada Tirana-Kashar dhe dytësorja. Nëse bashkia ka ende planin duhet të nxitojë pasi edhe zona industriale mban buxhetin e bashkive dhe Bashkisë së Tiranës se paguajnë taksa.

TIRANA E MADHE

TIRANA/5 sa

NE #TERRITOR, SI #DEPUTET, PER PUNET QE DUHEN BERE

RRUGA DYTESORE E AUTOSTRADES-ANA E DJATHTE,

ESHTE KESHTU DHE PERKEQESOHET!

Dy gjera lidhur me nevojen dhe meriten;

E para, kjo eshte rruga me fluksin me te madh te levizjes per nevoja punetoresh, tregtie, qarkullimi lendesh te para e prodhimi; por edhe banoresh se pas zones industriale e tregtare eshte zone urbane qe po behet edhe me e madhe per shkak te qytetit qe po nderton njeri aty;

PER GJITHE KETE LEVIZSHMERI, DUHET RIBERE KJO RRUGE, PA U BERE FARE FARE E PAKALUESHME!

E dyta, nuk mund te kemi dy standarde; riberja e autostrades nga rrethi i veriut deri ne Kashar, eshte nje investim shume i mire, standard tjeter plotesisht; kjo e ben edhe me te papranueshem standardin e rruges vetem 10 metra me tutje.

NGA PIKPAMJA E NJEREZVE QE BANOJNE NE ZONE ESHTE E DOMOSDOSHME;

NGA PIKPAMJA E FUQISE PUNETORE QE LEVIZ KETU ESHTE JETIKE;

NGA PIKPAMJA EKONOMIKE ESHTE PLOTESISHT E JUSTIFIKUAR DHE INVESTIM I KTHYESHEM!”, shkruan Braçe.