Bruksel, autobusi me 33 turistë përplaset me pemën; disa të plagosur

Një aksident i rëndë ka ndodhur në Bruksel ku një autobus me turistë u përplas me një pemë.

Raprtohet se në autobus ndodheshin rreth 33 turistë ku dhjetë persona mbetën të plagosur ndërsa tre prej tyre ndodhen në gjendje të rëndë.

Në vendngjarje kanë mbërritur zjarrfikës dhe policia. Të lënduar janë dërguar menjëherë në spital për të marrë trajtim mjekësor.

Të plagosurit kanë marrë lëndime në kafkë, fytyrë dhe gjoks, ndërsa nuk ka pasur të dhëna për shoferin. Shtetësia e të plagosurve mbetet e panjohur.