Moskë, 22 mars 2024 – Në një fjalim televiziv drejtuar kombit sot, presidenti i Rusisë Vladimir Putin falënderoi mjekët dhe oficerët e sigurisë që ndihmuan viktimat e sulmit në Moskë. Ja çfarë tha presidenti rus, sipas BBC.
Putin tha se të katër personat e armatosur përgjegjës për të shtënat në sallën e koncerteve në Moskë, në të cilat u vranë të paktën 115 persona, janë arrestuar.
Ai tha se sulmuesit ishin përpjekur të arratiseshin drejt Ukrainës
Putin tha se informacionet paraprake treguan se disa njerëz nga pala ukrainase ishin përgatitur për t’i lënë ata të kalonin kufirin nga Rusia. Por Kievi tha më parë se pretendimet për përfshirjen e Ukrainës ishin “absurde”.
Putin shpalli një ditë zie për 24 mars dhe tha se dhjetëra njerëz paqësorë dhe të pafajshëm ishin viktima të sulmit të Crocus
Putin tha se të gjithë ata që përgatitën sulmin do të identifikohen dhe ndëshkohen.
Presidenti rus tha se sulmi ishte një “akt barbar terrorist” dhe se sulmuesit “nuk do të na përçajnë”.
