Chelsea po mendon shkarkimin e trajnerit Maurizio Sarri

Pas humbjes së turpshme ndaj Manchester Cityt, Chelsea po mendon ta shkarkojë trajnerin, Maurizio Sarri.

“Blutë” londinezë pësuan humbjen më të thellë në 28 vjetet e fundit pasi u mposhtën 6-0 nga “Citizens”.

Sarri e sheh veten në presion pasi ekipi nga “Stamford Bridge” i ka pësuar 12 gola në tri ndeshjet e fundit në transfertë në Premier League.

Ish-trajneri i Napolit ka thënë se posti i tij gjithmonë është i rrezikuar, por ka shtuar se nuk ka pasur ndonjë thirrje për tu takuar me pronarin e klubit, Roman Abramoviç.