City i papërmbajtshëm. Shpërfytyron edhe Tottenham…

Cityn nuk e ndal më askush. Fiton me goleadë në shtëpi kundër Tottenham për të cilët mund të shkonte edhe më keq.

4-0. Në gol Gundogan në pjesën e parë dhe De Bruyne e dygolesh i Sterling në pjesën e dytë. Loja dhe spektakli bëjnë të harrohet penalltia e humbur nga Jesus në pjesën e dytë. Nuk ka me kush t’i ndalë. Pep fiton të 16-ën rresht duke barazuar rekordin e vendosur me Barcelonën. Gati mesa duket, të barazojë dhe tejkalojë rekordin absolut me Bayernin prej 19 fitoresh rresht.

Dortmundi ka arritur të kthejë rezultatin vetëm në fundin e pjesës së dytë kundër Hoffenheimit duke e mbyllur me fitore vitin 2017. Ata kanë grumbulluar 28 pikë dhe gjenden tashmë në vendin e tretë.

Valencia humbet në transfertë 2 -1 kundër Eibar duke ia bërë më të lehtë Realit të Madridit të ngjitet në klasifikim dhe të konkurojë Barcelonën.