Çna tregoi dje Altin Dumani?

 Ergys Mërtiri

Altin Dumani tregoi dje ne intervisten e tij ne RTSH se cfare do te thote te jesh nje funksionar i pergjegjshem. Ai reflektoi kulturen shtetarit te afte te ngrihet ne lartesine e detyres se tij.

Perballe akuzave banale te bera nga armiqte e SPAK-ut, mbushur me gjuhe ordinere shpifjesh, linçimesh, fyerjesh nga me te felliqurat, ai vuri si pasqyre qytetarine duke treguar para shqiptareve kontrastin e thelle me ta, cfare ishte vertete shkaterruese per ta.

Lufta qe opozita ka hapur me Dumanin eshte vetevrasese. Duke akuzuar per korrupsion, pa asnje prove, pikerisht ata qe sot jane nen akuze per pasurite e tyre perrallore te krijuara duke abuzuar me detyren, ne fakt thjesht godasin me koke nje mur te pathyeshem.

Sigurisht, SPAK ka akoma shume per te bere dhe shume gjera per te korriguar, por ai eshte i vetmi institucion qe po punon me pergjegjesi, pavaresi e profesionalizem duke ua futur te dridhurat te gjitheve, majtas e djathtas.

Pikerisht per kete arsye ai edhe po luftohet egersisht nga qeveria dhe opozita bashke. Ndersa Berisha akuzon me gjuhen e tij ordinere, Rama e pengon institucionalisht duke ngritur edhe komision parlamentar kunder tij.

Spaku ka bere qe, per here te pare ne 34 vjet, te vihen ne banken e te akuzuarve njerez te paprekshem, te paimagjinueshem se mund te merreshin ndonjehere ne hetim.

Per kete arsye, ai eshte e vetmja menyre qe disa njerez qe mbajne peng prej dekadash kete vend, te mund te shkulen nga politika per te dhene llogari para drejtesise.