Ç’po ndodh? Bllokohet autostrada Tiranë-Durrës

Qarkullimi i automjeteve në Autostrada Tiranë–Durrës paraqitet i rënduar mëngjesin e kësaj të shtune, duke shkaktuar vonesa të konsiderueshme për drejtuesit e mjeteve.

Nga pamjet e siguruara në terren shihen radhë të gjata automjetesh dhe lëvizje e ngadaltë e trafikut, ndërsa ngarkesa nis që në zonën e mbikalimit pranë Casa Italia.

Deri në këto momente nuk ka një njoftim zyrtar mbi shkaqet e krijimit të situatës, por fluksi i lartë i lëvizjeve gjatë fundjavës mbetet një nga faktorët kryesorë që shpesh sjell bllokime dhe ngadalësim të qarkullimit në këtë segment rrugor.

Autoritetet pritet të japin detaje të mëtejshme në vijim.