Dalin pamjet nga mbledhja e Këshillit të Mandateve për Ballukun

Dalin pamjet nga Këshilli i Mandateve, ku po diskutohet lidhur me kërkesën e Prokurorisë së Posaçme për heqjen e mandatit të zëvendës-kryeministres Belinda Balluku.

Në sallë shihet se fjalën e kanë marrë kreu i grupit parlamentar të PD, Gazment Bardhi, dhe kreu i grupit të PS, Taulant Balla. Po ashtu, në mbledhje janë të pranishëm tre prokurorë, përfshirë kreun e ri të SPAK, Klodian Braho, si dhe Dritan Prençi dhe Dorina Bejko.

Balluku është e pandehur për shkelje në tenderin 190 milionë euro të Tunelit të Llogarasë dhe është nën hetim për 7 lotet e Unazës së Madhe, me vlerë 450 milionë euro. Ajo dyshohet gjithashtu se ka përcaktuar fituesit e tre tenderave të tjerë.