Denoncimi/€rion, tërhiq faturat e jashtëligjshme të ujit!

Ditën kur u “votua” rritja e çmimit të ujit në këshillin bashkiak, ne ishim duke protestuar para Bashkisë së bashku me qindra qytetarë të shqetësuar. Atë ditë denoncuam se votimi i aktit ishte i jashtëligjshëm pasi në sallë nuk kishte kuorum të mjaftueshëm të këshilltarëve.

Gjithsesi Bashkia Tiranë vazhdoi proçesin në mënyrë të jashtëligjshme duke e shoqëruar edhe me një fushatë agresive fyerjesh ndaj atyre që protestuan.

Para disa ditësh, duke gjykuar një padi të bërë nga anëtari i këshillit Fabian Topollaj, gjykata administrative vendosi se proçesi i betimit të këshilltarëve të rinj atë ditë ishte i jashtëligjshëm e për rrjedhoje çdo vendimarrje e marrë atë ditë por edhe më pas, rrëzohet.
Për rrjedhojë edhe faturat e ujit, të cilat kanë ardhur me rritje 20 lekë m3 dhe 100 lekë për shërbimin, janë të jashtëligjshme, për sa kohë që nuk ka një vendim tjetër nga Gjykata.

Bashkia duhet ti tërheqë urgjent këto fatura dhe të faturojë qytetarët sërisht me çmimin e vjetër, në të kundërt do të paditen për vjedhje dhe abuzim me detyrën.
€rion, tërhiq faturat e jashtëligjshme të ujit!!!/nisma#