Deputeti i PD, Saimir Korreshi: humbet vëllain në moshë të re

Deputeti i Partisë Demokratike, Saimir Korreshi, ka bërë publike një lajm të rëndë për familjen e tij, duke njoftuar ndarjen nga jeta të vëllait, Ermal Korreshi.

Përmes një postimi në rrjetet sociale, deputeti ka shprehur dhimbjen e thellë për humbjen e parakohshme, duke e cilësuar atë si një ngjarje të pabesueshme. Mesazhi është shoqëruar me një foto ku dy vëllezërit shfaqen së bashku.

“Ikja jote është e pabesueshme vëllai im. Te Allahu jemi dhe tek Ai do të kthehemi. Qofsh i Xhenetit, kampion”, shkruan Korreshi në reagimin e tij.

Ndarja nga jeta e Ermal Korreshit ka lënë pas dhimbje të madhe te familjarët dhe të afërmit. Nga reagimet në rrjetet sociale bëhet me dije se ai ishte edhe baba.