Dita e 14-të e luftës në Ukrainë!

Media ndërkombëtare BBC ka bërë një përmbledhje e ditës së 14-të të luftimeve në Ukrainë që nga bombardimi i spitalit të fëmijëve dhe maternitetit në Mariupol deri te ikja drejt luftës në Ukrainë e ushtarëve britanikë.

Ja zhvillimet kryesore: 

-Spital për fëmijë dhe materniteti në qytetin  juglindor të Ukrainës, Mariupol u sulmua nga avionët rusë; të paktën 17 mbetën të plagosur.

-Banorët e qytetit nuk kanë akses në ushqim, ujë, energji elektrike dhe gaz. Janë hapur varreza masive për të vdekurit.

-Bombardimi i spitalit është dënuar fort nga shumë vende, përfshirë Kombet e Bashkuara, Organizatën Botërore të Shëndetësisë dhe Vatikanin, dhe Shqipërinë.

-Në një konferencë të përbashkët për mediat, ministrat e jashtëm të SHBA-së dhe Britanisë së Madhe nuk kanë pranuar sërish për të krijuar një zonë të ndalim-fluturimit mbi Ukrainë  thënë se “qëllimi kryesor është t’i jepet fund luftës dhe jo ta zgjerojnë atë”.

-Më shumë se 500 ukrainas kanë vdekur dhe mbi 900 janë plagosur, sipas vlerësimeve të fundit nga zyra e OKB-së për të drejtat e njeriut.

-SHBA-ja ka refuzuar propozimin e Polonisë për të transferuar avionët e saj luftarakë në Ukrainë përmes një baze ajrore amerikane në Evropë, duke e cilësuar atë si me “rrezik të lartë”.

-Ushtria britanike thotë se një numër i vogël i ushtarëve të saj nuk i janë bindur urdhrave dhe kanë shkuar për të luftuar në Ukrainë.