“Do të vritesh si Kennedy”- Albin Kurti bën reagimin e pazakontë pas arrestimit të kandidatit për deputet që e kërcënoi

Pas arrestimit nga policia e Kosovës të kandidatit për deputet në radhët e Partisë Nisma, Haxhi Hoti, për kërcënim me vrasje, kreu i Vetëvendosjes, Albin Kurti ka bërë një reagim të pazakontë, duke kërkuar lirimin e tij.

“Unë nuk jam John Fitzgerald Kennedy kurse z. Haxhi Hoti nuk është Lee Harvey Oswald. Nuk mund t’i vlerësoj çështjet e sigurisë dhe as të përzihem në ato të drejtësisë, por besoj që do të ishte mirë që z. Hoti të lirohet e ta presë Vitin e Ri 2020 me familjen e tij në shtëpinë e tij”,shkruan Kurti në Facebook.