Drejtoresha ekzekutive ruse e internetit denoncon luftën dhe largohet nga Rusia

Drejtoresha ekzekutive e ekuivalentit rus të Google, ka dhënë dorëheqjen në shenjë proteste ndaj pushtimit të Ukrainës nga Vladimir Putin.

CEO e Yandex, Yelena Bunina foli kundër luftës së Rusisë në Ukrainë në një memo për kolegët e saj të publikuar në portalin e brendshëm të kompanisë, raporton TASS.

Bunina ishte me pushime në Qipro kur filloi pushtimi i Ukrainës më 24 shkurt, ajo fluturoi për në Izrael më 1 mars dhe nisi të punonte nga zyra e kompanisë në Tel Aviv.

“Unë nuk do të kthehem. Unë nuk mund të jetoj në një vend që është në luftë me fqinjët e tij”, thuhet në memorandumin e brendshëm të paraqitur prej saj.

Dorëheqja e Buninës do të hyjë në fuqi më 15 prill, sipas raportit.

“Pjesën tjetër të roleve do t’i transferoj gradualisht. Derisa t’i transferoj plotësisht, nuk do ta heq”, shton ajo në memon e saj.

Bunina ka qenë me ekuivalentin e Google në Rusi që nga janari i vitit 2011, kur ajo filloi si drejtoreshë e burimeve njerëzore. Ajo u ngrit në detyrë si CEO në muajin dhjetor