Drejtori i Juventusit flet hapur: Kemi pasur kontakte me Icardin, transferimi i tij…

Drejtori sportiv i Juventusit, Fabio Paratici, ka folur për mundësinë e transferimit të Mauro Icardit në Torino.

Në një prononcim për “Rai Radio1”, Paratici konfirmoi interesimin për sulmuesin argjentinas por theksoi se momentalisht është muaji shkurt dhe Mauro është lojtar i Interit, shkruan Goal”

“Kemi kërkuar informacione. Ne kemi kërkuar të dimë se çfarë mendon Icardi për të luajtur me Juventusin. Por tani nuk ka kontakte, ai është një lojtar i Interit dhe ne po mendojmë për sezonin tonë.

“Kohët e fundit nuk ka pasur kontakte, ne jemi në shkurt, ai është një lojtar që i takon Interit dhe kemi ndeshje të rëndësishme përpara”, përfundoi ai.

Heqja e shiritit të kapitenit dhe mos grumbullimi i tij në ndeshjen me Rapidin e Vjenës, kanë shtuar skenarët të një largimi të mundshëm të Icardit nga “San Siro”.

Në media po përflitet Juventusi si skuadra që ka ngjallur interesim për sulmuesin argjentinas.