E bujshme! Futbollisti i Kombëtares do të blejë klubin e Lushnjes

Mbrëmjen e djeshme, gjatë emisionit “Procesi Sportiv” u zbulua se një lojtar i Kombëtares është duke negociuar për të blerë klubin e Lushnjes.

Lojtari i Kombëtares që pritet të realizojë këtë blerje është Rey Manaj.

“Moda e futbollistëve të suksesshëm dhe të pasur që investojnë në klube sportive ka mbërritur edhe në Shqipëri. Një futbollist i njohur i Kombëtares është në tratativa për të blerë klubin e Lushnjës. Rey Manaj po merr klubin e Lushnjës, duartrokitje për këtë iniciativë. Ky është një model që na duhet për të ecur përpara,” tha moderatori i emisionit.

Të ftuarit gjithashtu sugjeruan se Manaj mund të ishte personi që po bën këtë investim, duke marrë parasysh se ai është nga Lushnja.

Në vitet e fundit, po rritet numri i lojtarëve dhe ish-lojtarëve që po blejnë klube futbolli. Disa prej emrave më të njohur janë David Beckham, i cili bleu klubin e Inter Miami, ku luan Messi, dhe Ronaldo “Fenomeni”, i cili disa vite më parë bleu klubin spanjoll Real Valladolid.